هاری کەین لە نوێترن دەرکەوتی لەگەڵ تۆڕی میدیای سکای سپۆرت دەڵێت :" یاریی کردن لە جامی جیهانی یانەکان لەگەڵ بایرن میونشن ئەزمونێکی نوێیە ، لە پاڵەوانێتییەکی گەورە یاریی دەکەین جیاواز لەو پاڵەوانێتییانەی پێشتر لێی راهاتووین ، بەڵام ئەزمونێکی تایبەت و نایاب دەبێت .

هەروەها دەڕۆین بۆ ویلایەتە یەکگرتوەکانی ئەمریکا پێش جامی جیهانی 2026 ، ئەوە هەلێکی زۆر نایابە بۆ ئاشنا بوون بە هەندێک یاریگا و هاندەری ئەوێ ، پاڵەوانێتییەکی نایاب دەبێت ، وەک هەمیشە لەگەڵ هەموو پاڵەوانێتییەکی نوێ خەڵکی دەپرسن کارەکان چۆن بەڕێوە دەچێت ، زۆر بە پەرۆشم بۆ بەشداری کردن لە جامی جیهانی یانەکان .

ئەستێرەیەکەی بایرن لە بارەی ئامانجی یانەکە وتی :" بە دڵنیاییەوە ئامانجمان بەدەستهێنانی جامی جیهانی یانەکانە ، ئێمە یەکێکین لە باشترین یانەکانی جیهان ، لەبەرئەوە بەشداری لەهەموو پاڵەوانێتییەک دەکەین بە نیازی بەدەستهێنانی ، دەزانم کارێکی قورسە وەکو هەموو پاڵەوانێتییەکی گەورە ، بەڵام ئێمە ئێستا وەرزێکی زۆر نایاب بەڕێدەکەین .

لە ئێستادا ئێمە سەرنجمان لەسەر بۆندسلیگا و چامپیۆنزلیگە ، بەڵام هەر کە گەیشتینە پاڵەوانێتی جامی جیهانی یانەکان ئێمە بەتەواوەتی ئامادە دەبین و دەمانەوێت یەکەم یانە بین ئەم نازناوە  بەدەست بهێنین ."