تشرینی یه‌كه‌م 22, 2019 5:57 PM

خوێندنەوەیەك بۆ یاریەكەی نێوان لیڤەرپوول و پۆرتۆ

رۆژی سێشەممە 9/4/2019 یاریەكانی خولی یانە پاڵەوانەكانی ئەوروپا (چامپیۆنزلیگ) دەست پێدەكاتەوە بە ئەنجامدانی یاریەكانی چوونی قۆناغی هەشتەم كە تیایدا چوار یاری بەهێز ئەنجام دەدرێن، دوانیان شەوى سێشەمە ، دوانەكەى دیكە شەوى چوارشەممە .
سالار جه‌لال

 

سالار جەلال

* یاری یەكەم

لیڤەرپول * پۆرتۆ

كاتژمێر 10ى شەو بەكاتی كوردستان یاریگای ئەنفیلد رۆد لەشاری لیڤەرپول میوانداری یاری نێوان هەردوو یانەى لیڤەرپولی ئینگلیزی و پۆرتۆی پورتوگالی دەكات ، ناوبژیوانی ئیسپانی ئەنتۆنیۆ ماتیۆ لاهۆز ئەم یاریە بەرِێوەدەبات ، لە چامپیۆنزلیگ مێژوو لەگەڵ لیڤەرپولە لەكاتی یاریكردنی بەرامبەر پۆرتۆ ، شەش یاریان لەگەڵ یەك ئەنجامداوە ، لیڤەرپول لە سێ یاری براوە بووە و سێ یاریەكەى دیكە هەردوو یانە یەكسان بوون واتا پۆرتۆ نەیتوانیوە لە لیڤەرپول بباتەوە . لیڤەرپول 12 گۆڵی لە پۆرتۆ تۆماركردووە بەرامبەر تەنها 2 گۆڵ بۆ یانەى پۆرتۆ ، كەواتە هەموو ئامارەكان لەبەرژەوەندی لیڤەرپولن بەلام ئەوە هەمووى رابردووە و هیچ لە بارودۆخی ئەم یاریە ناگۆرِێت تەنها ئەگەر ورەى یاریزانانی ریدز بەرزبكاتەوە .

هەردوو یانە و راهێنەرەكانیان بەتەواوى شارەزای شێوازى یاریكردنی یەكترن بەلام لێرە زیرەكی راهێنەر بەدیاردەكەوێت بەدانانی پلانێك كە لەپێشبینی تیپی بەرامبەر نەبێت ، راهێنەر یۆرگن كلۆپ ئەزموونی زیاترە لە راهێنەری یانەى پۆرتۆ كۆنسیساو ، لەهەمان كاتدا جۆری یاریزانانی لیڤەرپول باشترن لە یاریزانانی پۆرتۆ ، بەلام فشار لەسەر یاریزانانی لیڤەرپول زیاترە چونكە هەموو پێشبینیەكان بۆ ئەوە دەچن كە لیڤەرپول ئەم قۆناغە ببرِێت ، بۆیە یاریزانانی پۆرتۆ بەبێ فشار و بە ئاسووەدەیی ئەم یاریە ئەنجام دەدەن ، ئەگەر ماڵئاوایش بكەن ئەوە هیچ گلەییان لەسەر نابێت و گەیشتنیان بۆ ئەم قۆناغە دەسكەوتێكی زۆر باشە .

چەكی بەهێزی لیڤەرپول سێكوچكەى پێشەوەیە كە بریتین لە محەمەد سەلاح و سادیۆ مانێ و فیرمینهۆ ، ئەم سێ یاریزانە هەمەهانگی تەواو لە نێوانیان هەیە بە پاڵپشتی هەریەك لە ڤینالدۆم و میلنەر لە هێلی ناوەراست و سەركەوتنی باڵەكان هەرچەندە لەم یاریە لیڤەرپول باڵێكی شكاوە بە راگرتنی یاریزان رۆبەرتسۆن كە لەوانەیە یاریزان ئەلبرتۆ مۆرینیۆ لەشوێنی یاری بكات . هێلی بەرگری لیڤەرپول بە بوونی ڤان دایك و گۆڵپارێز ئەلیسۆن لە بارودۆخێكی زۆر باشە .

لەبەرمبەردا چەكى بەهێزی یانەى پۆرتۆ یاریكردنی بە كۆمەڵی ئەو تیپەیە كە توانی بەم شێوازە خۆی بگەیەنێتە ئەم قۆناغە ، پۆرتۆ دوو لە یاریزانە باشەكانی لەدەستداوە بە هۆی كارتی زەردەوە كە ئەوانیش هەریەك لەبەرگریكار پیپی و یاریزانى هێلی ناوەراست هێرێرای مەكسیكیە ، پۆرتۆ پشت بەئەزموونی گۆڵپارێزێكی مێژوویی چامپیۆنزلیگ وەك ئیكەر كاسیاس دەبەستێت بۆ راگرتنی هێرشەكانی لیڤەرپول .

لە وەرزى رابردوو لەم یاریگایە هەردوو یانە بەبێ گۆڵ یەكسان بوون لەیاری گەرِانەوەى قۆناغی 16 بەلام دوای ئەوە بوو كە لیڤەرپول 5-0 لەیاری چووندا سەركەوتوو بوو . ئەمجارەیان لیڤەرپول دەیەوىَ لەیاریگای خۆی گەیشتنی بۆ چوار گۆشەى زێرِن مسۆگەر بكات و پۆرتۆش دەیەوێت بەكەمترین زەرەرو زیان بگەرِێتەوە یاریگای دراگاو .

 

Share on facebook
Facebook
Share on skype
Skype
Share on twitter
Twitter
Share on linkedin
LinkedIn
Share on email
Email
Share on print
Print
Share on telegram
Telegram

هه‌واڵی هاوشێوه‌

error: بابه‌ته‌كانی ئه‌م وێبسایته‌ پارێزراوه‌

ئۆفه‌ری فاست لینك بێ سنوور - پاکێجی بوگاتی پلەس

له‌كاتی پڕکردنەوەی باڵانس به‌ پاكێجی (69000) دینار ئه‌نته‌رنێتی بێ سنوور به‌ده‌ست بێنه‌، (به‌پێ یاسای به‌كارهێنان) بۆ هه‌ردوو خزمه‌تگوزاری (سمارت فۆن) و خزمه‌تگوزاری (MiFi)، وه‌هه‌روه‌ها (Viber & WhatsApp) به‌خۆراییه بۆ خزمه‌تگوزاری سمارت فۆن‌.