تشرینی یه‌كه‌م 22, 2019 5:34 PM

میسی یان كریستیانۆ ..كریستیانۆ یان میسی !

سالار جه‌لال

 

نوسینی : سالار جه‌لال

له‌م بابه‌ته‌ باسی ئه‌م دوو ئه‌ستیره‌یه‌ ده‌كه‌م كه‌ هه‌موو جیهانیان به‌هانده‌ران و ده‌زگاكانی راگه‌یاندن سه‌رقاڵ كردووه‌ ، نامه‌وێ به‌رواردیك بكه‌م له‌ نیوان لیۆنیل میسی و كریستیانۆ رۆنالدۆ بۆ ئه‌وه‌ى بیسه‌لمینم كامه‌یان باشتره‌ له‌وه‌كه‌ى دیكه‌ ، نامه‌وێ ئه‌وه‌ بسه‌لمینم كه‌ كامه‌یان باشترینی میژووی تۆپی پیی یان یه‌كیكن له‌ باشترینه‌كانی میژوو ، نامه‌وێ باسی كاریگه‌ری ئه‌و دوو ئه‌ستیره‌یه‌ بكه‌م له‌سه‌ر تیپه‌كانیان و ئه‌و ده‌سكه‌وتانه‌ى كه‌ به‌ده‌ستیان هیناوه‌ ، نامه‌وێ باس له‌ خه‌لآته‌كانی ئه‌و دوو ئه‌ستیره‌یه‌ بكه‌م كه‌ له‌سه‌ر ئاستی كه‌سی به‌ده‌ستیان هیناوه‌ ، ده‌مه‌وی یاسی ئه‌وه‌ بكه‌م بۆ كریستیانۆ و میسی ئه‌وه‌نده‌ باس ده‌كرین و رۆژانه‌ مانشیتی رۆژنامه‌كان و هه‌واڵی تیڤیه‌كان ده‌بی باسی ئه‌وانه‌ى هه‌ر تیدا بیت ، بۆچی ئه‌گه‌ر یه‌كیك له‌م دووانه‌ تووشی پیكان دین ، هه‌موو هه‌وادارانی تۆپی پی په‌رۆشی ئه‌وه‌ن كه‌ بزانن جۆری پیكانه‌كه‌ و ماوه‌ى دووركه‌وتنه‌وه‌یان چه‌نده‌ .

زیاتر له‌ 40 ساڵه‌ سه‌یری یاری تۆپی پی ده‌كه‌م به‌تایبه‌تی یاریه‌ جیهانیه‌كان و خوله‌كانی ئه‌وروپا ، زیاتر له‌ 10 مۆندیال و 10 یۆرۆم بینیوه‌ و له‌ساڵی 1978وه‌ به‌لانی كه‌م سالآنه‌ یاری كۆتایی چامپیۆنزلیگم بینیوه‌ ، ئاشنای توانای چه‌ندین ئه‌ستیره‌ تۆپی پی بووم له‌ كرۆیف و مارادۆنا تا ده‌گاته‌ كیگان و رۆمه‌نیگه‌ و دووبرا لاودروب و كرانكل و گۆلیت و ڤان باستن و پلاتینی و زیكۆ و سوكرات و رۆبه‌رتۆ باجیۆ و زیدان و پۆتراگینۆ و هاجی و رۆنالدۆی دیارده‌ و رۆنالدینهۆ …هتد ، به‌لآم وه‌ك دوو ئه‌ستیره‌یه‌ نه‌بوون ، جاران وه‌كو ئیستا تۆپی پی زه‌حمه‌ت نه‌بوو ، به‌لآم ئیستا زه‌حمه‌تره‌ له‌به‌رئه‌وه‌ى شیوازی یاریكردن رۆژانه‌ گۆرِانكاری به‌سه‌ردیت و زانستیانه‌ مامه‌ڵه‌ى له‌گه‌ڵ ده‌كریت ، تا ئیستا هیچ ئه‌ستیره‌یه‌ك نه‌بووه‌ وه‌ك میسی و كریستیانۆ به‌رده‌وام بوونیان  هه‌بیت به‌ ئاستیكی جیگیر بۆ زیاتر له‌ 10 ساڵ ، هۆكاره‌كه‌شی بۆ زیره‌كی میسی و كریستیانۆ ده‌گه‌رِیته‌وه‌ كه‌ خۆیان له‌ هه‌موو مه‌ترسیه‌كان پاراستووه‌ و بۆیه‌ تا ئیستا به‌ دره‌وشاوه‌یی له‌ یاریگاكان به‌رده‌وامن .

له‌ مۆندیالی 1982 مارادۆنا وه‌ك یاریزانیكی بلیمه‌ت له‌گه‌ڵ ئه‌رژه‌نتین به‌دیار كه‌وت به‌لآم ئه‌و ئاسته‌ى پیشكه‌ش نه‌كرد ، له‌ مۆندیالی 1986 دره‌وشایه‌وه‌ و جامه‌كه‌ى به‌رزكرده‌وه‌ ، له‌ رووى هونه‌ری تۆپی پی و توانای یاریزانان هاوشیوه‌ى نه‌بوو به‌لآم نه‌یتوانی پاریزگاری له‌ خۆی بكات ، تووشی هه‌ڵسوكه‌وتی خه‌راپ هات له‌ به‌كارهینانی ماده‌ هۆشبه‌ره‌كان و له‌ كه‌متر له‌ 10 ساڵ ئه‌ستیره‌ى ئاوا بوو به‌خه‌راپترین شیوه‌ خه‌ریك بوو گیانیشی له‌ده‌ست بدات ، رۆنالدۆی دیارده‌ هیرشبه‌ریكی بی هاوتا بوو ، به‌لآم نه‌خۆشی وپیكان ناچاریان كرد وازبینیت ، ته‌مه‌نی راسته‌قینه‌ى ناو یاریگاكان زۆری نه‌خایاند ، به‌هه‌مان شیوه‌ ڤان باستن و ئه‌ستیره‌كانی دیكه‌ هیچ كامیان بۆ 10 ساڵ به‌هه‌مان ئاست به‌رده‌وام نه‌بوون .

له‌ساڵی 2008 كریستانۆ چامپیۆنزلیگی له‌گه‌ڵ مان یونایتد به‌ده‌ست هینا و ساڵیك دوای ئه‌و میسی له‌گه‌ڵ به‌رشلۆنه‌ به‌ده‌ستی هینا و له‌و كاته‌وه‌ تا ئه‌مرِۆ ئه‌م دوو ئه‌ستیره‌یه‌ ساڵ له‌ دوای ساڵ چیژ به‌هه‌وادارانی تۆپی پی ده‌به‌خشن ، ئه‌وه‌ش بۆ زیره‌كی خۆیان ده‌گه‌رِیته‌وه‌ له‌به‌رئه‌وه‌ى هه‌ردوو یاریزان خۆیان پاراستووه‌ له‌هه‌موو كاریگه‌ریه‌ خه‌راپه‌كانی ده‌ره‌وه‌ى یاریگا و بایه‌خیكی تایبه‌ت به‌ ته‌ندروستی خۆیان ده‌ده‌ن بۆ ئه‌وه‌ى له‌ پیكانی مه‌ترسیدار دوور بكه‌ونه‌وه‌ .

هه‌موو ساڵیك ده‌ڵین ئه‌م ساڵه‌ باشترین ساڵی كریستیانۆیه‌ به‌لآم ساڵی دواتر كاریكی دیكه‌ پیشكه‌ش ده‌كات كه‌ساڵی پیشترمان له‌بیرده‌باته‌وه‌ ، هه‌موو ناحه‌زانی كریستیانۆ ده‌یانوت ته‌مه‌نی گه‌وره‌ بووه‌ و ته‌نها له‌ خولی ئیسپانیا ده‌توانیت باش یاری بكات و گۆڵ تۆمار بكات به‌لآم بۆى سه‌لماندین كه‌ ته‌مه‌ن لاى كریستیانۆ ته‌نها ژماره‌یه‌ و له‌خولی ئیتالیاش گۆڵكار و دروستكه‌ره‌ .

كه‌ میسی به‌دیاركه‌وت ناحه‌زانی ئه‌و ئه‌ستیره‌یه‌ ده‌یانوت میسی چی ده‌كات ئه‌گه‌ر زاڤی و ئه‌نیستای له‌گه‌ڵ نه‌بیت ، ئه‌وه‌ ئیستا خۆ ئه‌وانه‌ نه‌ماون به‌لآم میسی ئاستی باشتر بووه‌ له‌ جاران ، هه‌موو ساڵیكیش كاری واده‌كات كه‌ له‌بیرو هزری هیچ كه‌سیك نییه‌ .

جۆزی مۆرینهۆ كه‌یه‌كیكه‌ له‌ باشترین راهینه‌رانی میژووى تۆپی پی دووپاتیكرده‌وه‌ كه‌ هیچ یاریزانیكی نه‌بینیووه‌ وه‌ك ئه‌م دوو یاریزانه‌ به‌هه‌مان ئاست 10 ساڵ له‌سه‌ر یه‌ك له‌یاریگاكان به‌رده‌وام بن و ساڵ له‌دوای ساڵ باشتربن .

ئیمه‌ وه‌ك هه‌وادارانی تۆپی پی ده‌بی سوپاگوزاربین كه‌له‌سه‌رده‌می ئه‌م دوو ئه‌ستیره‌یه‌ سه‌یری تۆپی پی ده‌كه‌ین و هه‌فتانه‌ چیژ له‌یاریكردنیان وه‌رده‌گرین .

 

Share on facebook
Facebook
Share on skype
Skype
Share on twitter
Twitter
Share on linkedin
LinkedIn
Share on email
Email
Share on print
Print
Share on telegram
Telegram

هه‌واڵی هاوشێوه‌

error: بابه‌ته‌كانی ئه‌م وێبسایته‌ پارێزراوه‌

ئۆفه‌ری فاست لینك بێ سنوور - پاکێجی بوگاتی پلەس

له‌كاتی پڕکردنەوەی باڵانس به‌ پاكێجی (69000) دینار ئه‌نته‌رنێتی بێ سنوور به‌ده‌ست بێنه‌، (به‌پێ یاسای به‌كارهێنان) بۆ هه‌ردوو خزمه‌تگوزاری (سمارت فۆن) و خزمه‌تگوزاری (MiFi)، وه‌هه‌روه‌ها (Viber & WhatsApp) به‌خۆراییه بۆ خزمه‌تگوزاری سمارت فۆن‌.