9 یاری ئۆمێدی ڕیمۆنتادا بۆ یۆڤانتۆس دەگەڕێنێتەوە!

پاش ئەوەی لە یاری چوونی قۆناغی 16 دا یۆڤانتۆس دووچاری شكست هات بەرامبەر ئەتلەتیكۆمەدرید بە ئەنجامی 2-0

زۆربەی هاندەران و رۆژنامەكانی ئیتاڵیا باس لە بێ ئومێدبونی یۆڤانتۆس دەكەن بۆ قۆناغی هەشت لەبەر بەهێزی ئەتلەتیكۆمەدرید و بەتایبەت هێڵی بەرگری ئەتلەتیكۆمەدرید بە ڕاهێنەرایەتی دیگۆ سیمیۆنی

بەڵام مێژوو پێمان دەڵێت جیاوازی دوو گۆڵ مانای بێ ئومێدی نیە و هیوایەك هەیە بۆ ریمۆنتادای یانەی خانمە پیرەكە!

نموونەی چەند یارییەكی ڕابردوو كە ڕیمۆنتادای تێدا كراوە لە چامپیۆنس لیگدا:-

1-چێڵسی و بارسێلۆنا 1999-2000

لە یەكەم یاریدا چێڵسی 3-1 بردنەوەی بەدەست هێنا،بەڵام لە یاری دوەمدا لە كامپ نۆ بارسێلۆنا بە ئەنجامی 5-1 سەركەوتنی بەدەست هێنا

2-ئەی سی میلان و دیپۆرتیڤۆ لاكارۆنیا 2003-2004

لە یاری چووندا میلان بەئەنجامێكی گەورە 4-1 بردنەوەی تۆمار كرد،بەڵام لە یاری هاتنەوەدا لە ئەنجامێكی چاوەڕوان نەكراودا دیپۆرتیڤۆ شكستی بە میلانی ئەنشیلۆتی هێنا بە ئەنجامی 4-0

3-ڕیاڵ مەدرید و مۆناكۆ 2003-2004

لە یاریگای سانتیاگۆ بێرنابیۆ ڕیاڵ مەدرید 4-2 براوە بوو ،لە  لە یاری گەڕانەوەدا مۆناكۆ لە ئەنجامێكی سەیردا 3-1 بردنەوەی بەدەست هێنا و ڕیاڵ مەدریدی كردە دەرەوە

4- ناپۆلی و چێڵسی 2001-2012

یەكەم یاری لە ئەنجامێكی چاوەڕوان نەكراودا ناپۆلی 3-1 لە یانەی بلوزی بردەوە،پاش ئەوەی دی ماتیۆ بوە ڕاهێنەری چێڵسی لە یاریگای ستامفۆرد بریدج بە. ئەنجامی 4-1 ئەمجامەكەیان پێچەوانە كردەوە و سەركەوتن بۆ قۆناغی داهاتوو

5-ئەی سی میلان و بارسێلۆنا 2012-2013

میلان لە سان سیرۆ بە دوو گۆڵی بێ وەڵام یارییەكەی بردەوە كە هەریەكە لە بواتینگ و مۆنتاری گۆڵەكانیان تۆمار كرد،بەڵام لە یاری دووەم لە كامپ نۆ بارسێلۆنا بە سەركردایەتی مێسی ڕیمۆنتادایان كرد بە  چوار گۆڵی خاوێن

6-پاریس سان جێرمان و چێڵسی 2013-2014

لە یەكەم یاریدا و لە یاریگای باخچەی شازادەكان پاریس 3-1 بردنەوەی بەدەست هێنا،بەڵام لە یاری گەڕانەوەدا چێڵسی بە ڕاهێنەرایەتی مۆرینهۆ 2-0 سەركەوتنیان تۆمار كرد

7-وۆڵفسبۆرگ و ڕیاڵ مەدرید 2015-2016

لە ئەنجامێكی پێشبینی نەكراودا وۆڵفسبۆرگ بە ئەنجامی 2-0 شكستی بە ڕیاڵ هێنا،بەڵام یانەی مەلەكی لە سانتیاگۆ بێرنابیۆ  تۆڵەی یاری یەكەمی كردەوە و  بە هاتریكی كریستیانۆ ڕۆناڵدۆ سەركەوتنی بەدەست هێنا بە. ئەنجامی 3-0

8-بارسێلۆنا و پاریس سان جێرمان 2016-2017

ئەم یارییە بە گەورەترین ڕیمۆنتادای مێژووی چامیۆنس لیگ دادەنرێت كاتێك پاریسیەكان بە ئەنجامێكی گەورە بارسایان شۆك كرد بە ئەنجامی 4-0،بەڵام لە یارییەكی مێژوویدا و بەسەركردایەتی سیانەی تۆقێنەری بارسا مێسی و نێمار و سوارێز توانیان ڕیمۆنتادایەكی سەیریان تۆمار كرد بە ئەنجامی 6-1 لە كاتێكدا لە خولەكەكانی كۆتایدا 3 گۆڵیان تۆمار كرد و لە كۆتا چركەدا سێرجی ڕۆبێرتۆ گۆڵی شەشەم و سەركەوتنی تۆمار كرد

9-ڕۆما و بارسێلۆنا 2017-2018

لە یاری چووندا بارسا بە ئاسانی و بە ئەنجامی 4-1 یارییەكەی كۆتایی پێ هێنا،بەڵام ئەوەی چاوەڕوان نەدەكرا ڕوویدا كاتێك گورگەكانی ڕۆما ڕیمۆنادایان بەسەر بارسادا كرد و بە ئەنجامی 3-0 بارسایان دوورخستەوە لە خولەكە

وەڵامێک بنووسە

هه‌واڵی هاوشێوه‌

error: بابه‌ته‌كانی ئه‌م وێبسایته‌ پارێزراوه‌
×
×

Cart