حوزه‌یران 28, 2022 11:42 AIM:

یانەی ئەی سی میلان دەبوژێتەوە

راپۆرتە رۆژنامەوانییەکانی ئیتاڵیا پشتڕاستیان کردەوە، ئەمڕۆ سێشەممە، گواستنەوەی خاوەندارێتی میلان لە سندوقی ئیلییتی ئەمریکی بۆ گروپی ئەمریکی رێد بێرد”باڵندەی سوور”.

بەپێی رۆژنامەی ئیتاڵی لاگازێتا دیلۆ سپۆرت و سپۆرت میدیاسێت، جێری کاردیناڵ، سەرۆکی کۆمپانیای رێد بێرد، پێشتر گرێبەستی فرۆشتنیان واژۆکردووە.

سەرچاوە ئیتاڵیەکان ئاماژەیان بەوە کردووە، کە میلان بە فەرمی رێککەوتنەکە رادەگەیەنێت، لە کاتژمێرەکانی داهاتوودا  یان سبەی .

ئاماژەی بەوەشکردووە، ئەو گرێبەستانەی ئەم بەیانییە واژۆکراون، زۆرینەی پشکەکانی میلان بە “بێردی سوور” دەدەن بە بڕی یەک ملیار و ٣٠٠ ملیۆن یۆرۆ، لە کاتێکدا سندوقی ئیلییۆت پشکێکی کەمینە لە کۆمپانیای رۆسۆنێری دەمێنێتەوە.

پێشتر راپۆرته‌كان باسیان له‌وه‌كردووه‌، كه‌ گروپی باڵنده‌ سووره‌كان 70%ی پشكه‌كانی میلان دەگرێتەخۆ، له‌به‌رامبه‌ردا 30% له‌ به‌رژه‌وه‌ندی ئیلییۆت دەمێنێتەوە.

رۆسۆنێری وەرزی رابردوو نازناوی خولی ئیتاڵی بردەوە، ئەمەش بۆ یەکەمجارە دوای 11 ساڵ.

Share on facebook
Facebook
Share on skype
Skype
Share on twitter
Twitter
Share on linkedin
LinkedIn
Share on email
Email
Share on print
Print
Share on telegram
Telegram

هه‌واڵی هاوشێوه‌